Generalın rəis qardaşı xidməti otağında özünü güllələdi -
VİDEO
Bakının Binəqədi Rayon Polis İdarəsinin 4-cü Polis Şöbəsinin rəisi xidməti otağında intihar edib.
Globall.az xəbər verir ki, bu haqda məlumatı DİN-in Mətbuat xidməti yayıb. Məlumata görə, polis polkovnik-leytenantı Rahib Mirzəyev xidməti otağında bu gün səhər saatlarında özünü tabel silahı ilə vuraraq öldürüb.
Rahib Mirzəyev Daxili Təhqiqatlar İdarəsinin sabiq rəisi, polis general-mayoru Sahib Mirzəyevin qardaşıdır.
S. Mirzəyev 2020-ci il iyun ayında təqaüddə göndərilib.
Qeyd edək ki, R. Mirzəyev 2019-cu ildə Binəqədi Rayon Polis İdarəsinin 4-cü Polis Şöbəsinə rəis təyin edilib.
***
Hadisə ilə bağlı Daxili İşlər Nazirliyi də rəsmi məlumat yayıb.
Mətbuat Xidmətindan verilən xəbərə görə, Binəqədi Rayon Polis İdarəsinin 4-cü Polis Şöbəsinin rəisi Rahib Mirzəyev bu gün səhər saatlarında xidməti otağında tabel silahından istifadə etməklə intihar edib. Faktla bağlı rayon prokurorluğunda araşdırma aparılır.