Akademik: “Qadınları lütləndirən moda etnosları, xüsusən Avropa xalqlarını depopulyasiyaya (məhv olmağa) aparır...”

“Kişilərdə cinsi şəhvət oyandıran qadın cazibədarlığının modalı nümayişi "cinsi stres" yaratmaq kimi qəbul edilə bilər...”

“Nəticədə tez-tez həyəcanlanan, lakin narazı qalan kişi orqanizmi içəridən belə bir kanserogen, dağıdıcı bir hücuma məruz  qalır və bu da onkoloji sonluğa səbəb olur...”

Hər bir səmavi din qadınları örtünməyə, abır-həyalı olmağa çağırır. Amma dindar və ilahiyyatçılar bu barədə danışanda başqa alimlər başqa fikirlər söyləyir.  Fəqət artıq dinlə əlaqəsi olmayan bir sıra  tibb alimləri və tədqiqatçılar da qadınların hicabsızlığıyla son onilliklərdə ildən-ilə artan və cavanlaşan prostat adenoması (şişi), xərçəngi s. kişi xəstəliklərinin çoxalması arasında əlaqədən bəhs edirlər...
 
Globall.az moderator-a istinadla transakt analiz istiqamətində məsləhətçi-psixoloq, təlimçi (fərdi inkişaf treninqlərinin aparıcısı), Almatı Transakt Analiz Assosiasiyasının üzvü Asya Qagiyevanın  akademik-həkim, Rusiya Kulturoloji İnstitutunun baş elmi işçisi Leonid Aleksandroviç Kitayev-Smıkınlə qadın çılpaqlığının kişilərin sağlamlığına təsiri haqda İslam saytlarında dərc olunmuş söhbətinin tərcüməsini təqdim edir:
 
Qısa arayış:

Leonid A. Kitayev-Smık -  Moskvada anadan olub. Orta məktəbdə və Birinci Moskva Tibb İnstitutunda oxuduqdan sonra 1955-ci ildən bəri praktik həkim işləyir. 1960-cı ildən Məxfi Uçuş -Tədqiqat İnstitutunun üzvüdür. İlk sovet kosmonavtlarının: Yuri Qaqarin və başqalarının təlimində iştirak edib. 
 
1963-cü ildə dokor L. Kitayev-Smık digər planetlərə uçuşlar zamanı süni cazibə qüvvəsinin insanlara təsirini öyrənmək təşəbbüsü ilə çıxış edib. Onun iştirakı ilə planetlərarası kosmik gəmilərin Yer üzündə bir imitatoru - böyük  fırlanan sentrifuq-mənzil icad və inşa edilib.
 
1993-cü ildən bəri doktor L.Kitayev-Smık Rusiya Mədəniyyət Araşdırmaları İnstitutunda "Qlobal təhlükəsizliyin kulturologiyası" mövzusunda çalışır.  300-dən çox elmi nəşr, yeddi monoqrafiya, on iki ixtira müəllifidir. Mediada kifayət qədər publisistik çıxışlar etmişdir.

“Akademik Kutayev-Smıkin:
 
-Son onilliklərdə adenoma (xoşxassəli şiş) və prostat xərçəngi xəstəlikləri Avropa-Amerika sivilizasiyası ölkələrində bir epidemiya kimi kişiləri  məhv edir. XXI əsrin əvvəllərində kişilərin  40-%-dən çoxunda artıq bir adenoma olduğu və 40 yaşdan yuxarı olanlarda isə  bu nisbətin 50 %-ə qalxdığı müəyyən edilib.
ABŞ-da patoloq-anatomlar 60 yaşından sonra ölən kişilərin 80 %-də prostat xərçəngi aşkar ediblər. Başqa sözlə, həmin  kişilərdən bir çoxu bu xəstəliyin faciəvi təzahürlərini görənədək, sadəcə, yaşamayıb.
Ancaq paradoks: qadınların əksəriyyətinin hicablı olduğu müsəlman ölkələrində kişi onkologiyasında belə bir artım yoxdur!..  
 
-Bəs hansı səbəbdən? Axı görünən odur ki, Qərb ölkələri daha çox inkişaf etmiş tibb və ümumiyyətlə, daha yüksək həyat səviyyəsinə malikdirlər...  
 
-Mən bu mövzuda belə bir nəticəyə gəlmişəm. Bir "istehlak cəmiyyəti"nin (məqsədin ancaq yeyib-içmək, şəhvət, şöhrət instinklərini doyuzdurmaq olduğu-S.L.) hökm sürdüyü ölkələrdə, son onilliklərdə qadınların cazibədarlığını, elmi dillə desək, bir qadının ikinci dərəcəli cinsi xüsusiyyətlərini vurğulayaraq  nümayiş etdirən geyimləri normaya çevrilib. 
Lüt qadınların qarın və göbəkləri onlardan aşağıda olanların rəmzi olaraq təlqin edilən bir gündəm halına gəlib. Dar cins şalvarla örtülmüş yumru formalar və getdikcə daha çox açıq sinə-boyun xətti də kişiləri cazibədar bir şəkildə qıcıqlandırir... Buna bir həkim, fizioloq kimi baxıram: bütün bunlar kişilərdə şəhvəti oyadan cinsi siqnallardır...
Orta hesabla, bir şəhərli kişi gündə 100-200 dəfə bu cür "siqnalları" görür  və  bunun reallaşması alınmayanda ehtirası şüuraltına yeridilir. Kişi bunu bilməsə də, ancaq onun qanında androgen(kişi cinsi) hormonları yaranır.
Fəqət prosesi başa düşmək üçün açar məhz budur! Androgenlər qana çox miqdarda (yəni onkoloji cəhətdən təhlükəsiz) deyil, kanserogen olan orta dozada daxil edilir.
Nəticədə tez-tez həyəcanlanan, lakin narazı qalan kişi orqanizmi içəridən belə bir kanserogen, dağıdıcı bir hücuma məruz  qalır və bu da onkoloji sonluğa səbəb olur...
 
- Bağışlayın, üzr istəyirəm, amma bu məntiqə görə belə çıxır ki, hər hansı bir cinsi oyanma  mütləq  cinsi əlaqəyə səbəb olmalıdır? 
 
- Bəli, bu təbiətə xas olan mexanizmdir. Bir kişi və bir qadın arasındakı  əlaqə cinsin çoxalması üçün bir vasitədir və bədən üçün faydalıdır. Buna görə də din evliliyi və normal ər-arvad əlaqələrini təşviq edir.
Fiziologiyanın aydınlığı və anlaşılması üçün heyvanların həyatından bir nümunə gətirəcəyəm. Dişi heyvan instinktiv olaraq həyat qabiliyyətli nəsil çoxaltmağa daha qadir olan ən yaxşı erkəyi axtarır və eyni zamanda ən zəif erkəkləri rədd edir. Ancaq həmin rədd olunmuş erkəklərdə dişilərə qarşı olan şəhvət hissi hələ də qalır ... O, doymur və yatırılmır ...
Odur ki,  o erkəklərin qanındakı androgenlərin miqdarı orta dərəcədə yüksək, yəni onkoloji cəhətdən təhlükəli olur. Onlar zamanla potensialarını itirir, sonra isə bədənlərində xərçəng şişi yaranır. Zəif, "pis" erkəklər bu mexanizmlə rədd edilir… Elmdə isə hazırda oxşar proseslərin insanlarda da baş verdiyinə dair məlumatlar toplanır.
Odur ki, kişilərdə cinsi şəhvət oyandıran qadın cazibədarlığının modalı nümayişi "cinsi stres" yaratmaq kimi qəbul edilə bilər. Bu səbəbdən organizmdaxili "cinsi rəddolunma" kompleksi işə salınır ki, bu da impotensiya və hətta xərçənglə nəticələnir… 
 
- Budur, Qərbin zəngin və inkişaf etmiş xalqlarının tənəzzülünün izahı? 
 
- Bəli, əlbəttə ki, bu, ən vacib mexanizmlərdən biridir. Belə bir nəticəyə  gəlmişəm və bunu hamıya açıq şəkildə çatdırmağa çalışıram: qadınları lütləndirən moda etnosları, xüsusən Avropa xalqlarını depopulyasiyaya (məhv olmağa) aparır. Onların Yer üzündəki yerini isə qadınlarının iffətini və hicabını qoruyan və bununla da kişilərinə də qayğı göstərən xalqlar əvəz edir.  Və bunlar ilk növbədə müsəlman xalqlarıdır…
 
“Hər bir gözəlçə açıq-saçıq geyimdə bir görüşə gedərkən yalnız birini müvəqqəti xoşbəxt edir, yolda isə onlarla kişini şikəst edir…”


 
“Striptizçi qadın isə, ümumiyyətlə, Qərb sivilizasiyasını artıq xəstə kişilər cəmiyyətinə çevirən “kütləvi qırğın silahı” adlandırıla bilər…”
 
- Amma Afrika, Asiya və Cənubi Amerikada nəinki yarıçılpaq, tam lüt gəzən xalqlar var... Axı oralarda qızmar bir iqlim mövcuddur. Bəs onlar haqqında nə demək olar?
 
- Mən isə bir əks sual verəcəyəm: ümumiyyətlə, bu cür xalqlar və xüsusən fərdlər nə qədər yaşayır? Onların mədəniyyəti və sivilizasiyası yüksəkdirmi? Anlayın: qədim yunanlar və romalıları çənginə almış çılpaq  bədən kultu onların məhv olmasına gətirib çıxardı. İndi onlar haradadırlar? Planetin xəritəsindən silindilər. Üstəlik, hərbi əməliyyatlarla deyil, içəridən məhv edilməklə yox oldular.

İncilin və Quranın Sodom və Qomorra şəhərlərinin sakinləri haqqında söylədikləri bu mövzuda bir çox nümunələrdən biridir. Onlar təbiət qanunlarını və onun təbii mexanizmlərini pozaraq özlərini məhv etmək yolunu tutdular (yeri gəlmişkən, "sodomizm", homoseksualizm - çılpaq olmağa meyilliyin gətirib çıxardığı həssaslığın insan iradəsinə hakim olduğu həmin hedonizmin son həddə ifadəsidir ).

Ancaq  əcdadlarının ənənəvi dəyərlərinə riayət edən xalqlar hələ də yaşayırlar. Bunlar əsasən müsəlman xalqları və etnik qruplarıdır. Lakin onu demək gərəkdir ki, müasir slavyanların da əcdadları  belə olub. XIX əsrin bütün rus xalqları arasında xanımlarım geyimlərinə baxın: qadın geyimləri bədəni geniş, uzun ətəkli qiyafələrlə, sarafanlarla əhatə edir,  heç bir yerdə  bədənin fiqurasını qabarıq biruzə vermir və heç bir şəkildə qadında sinəni vurğulamır.
Bu paltarlar parlaq, bayramsayağ və rəngarəngdir (əsasən də qırmızı rəngdədir). Lakin onlar  bir qadını bəzəyərək bir kişinin ona diqqətini erotik hisslər olmadan cəlb edir... 
 
Köhnə rus dilindəki "biabır olmaq" ifadəsini xatırlayın - yəni birbaşa mənada təsadüfən yaylığınızı atmaq, saçlarınızı açıb çiyinlərinizə tökmək , məcazi mənada isə  “təcili olaraq düzəldilməsi lazım olan axmaq bir hərəkət etmək, səhv etmək” anlamına gəlir. Qədim rus freskalarına, ikonalarına və əlyazmalarına, ötən əsrin xanımlarının portretlərinə, kəndli qadınlarının şəkillərinə baxın - iffətli gözəl qadın geyimlərinin mədəniyyətini görəcəksiniz!

Və XXI əsrin bir çox qadını sözün əsl mənasında çılpaq ayaqları və  geyimlərindəki uzun yarıqlari ilə kişilərin sağlamlığı üçün bir məzar qazırlar. Hər bir gözəlçə "topik" deyilən bir açıq-saçıq geyimdə bir görüşə gedərkən yalnız birini müvəqqəti xoşbəxt edir, yolda isə onlarla kişini şikəst edir. Striptizçi qadın(əgər qadın demək mümkünsə)isə, ümumiyyətlə, Qərb sivilizasiyasını artıq xəstə kişilər cəmiyyətinə çevirən “kütləvi qırğın silahı” adlandırıla bilər… 
 
- Bəs öz dəyərlərini qorumağa çalışan bizim xalqları məhv olmaqda Qərbi təqlid etməmələri üçün xüsusi nə etmək olar? Burada mürəkkəblik bir də ondadır ki,  Rusiya onlarla xalqlar və dinlərin mövcud olduğu nəhəng ölkədir. Hər kəsin qədim yunanlar kimi yox olmaması üçün birlikdə bir şey etməsi mümkündürmü? 
 
- Cavab çox sadədir. Gözəllik və prestijliyin bir ifadəsi olan modaya, xüsusən də media vasitəsi ilə təsir mexanizmləri var - bunlar millətlərin, xalqların liderlərinə məxsusdur.  Hər liderin öz xalqına  "gəlin modanı xalqlarımızın ənənəvi formalarına doğru bir az geri qaytaraq!" siqnalı verməsi kifayətdir - hər şey yaxşı olacaq.
Təkrar edirəm: dini ənənələrə sadiq qalan bütün xalqların bir geyim mədəniyyəti var idi. Min illərlə geri  "qızıl əsr" ə dönməyə çağırmaq da lazım deyil. 
Geyimin məqsədinin düzgün anlaşılmasını təmin etmək, gözəllik və sağlamlığın optimal tarazlığını qaytarmaq kifayətdir.  Beləliklə, hər şey liderlərimizin əlindədir: onlar bir nümunə göstərəcəklərmi? Sizi əmin edirəm: indi bütün dünyanı geyindirən çinlilər də sifarişimizə görə Qərbin modasına uyğun deyil, nə istəsək verərlər!..