Ərzaq kimi ölkəyə ən çox nə gətirilir? -
SİYAHI
Dövlət Gömrük Komitəsinin məlumatına görə, idxal olunan yeyinti məhsullarının statistik dəyərinə görə ilk yeri bitki və heyvan mənşəli piylər və yağlar tutub.
2021-ci ilin ilk 8 ayında ölkəmizə 101 min 988 ton bu cür yağ və piy gətirilib. Onun dəyəri isə 140 milyon 674 min dollara bərabər olub.
İdxal olunan yeyinti məhsulları arasında ikinci yeri meyvə-tərəvəz məhsulları tutub.
Yanvar-avqust aylarında müxtəlif ölkələrdən Azərbaycana 234 min 223 ton meyvə və tərəvəz gətirilib ki, bunun dəyəri 136 milyon 494 min dollara bərabər olub.
Meyvə-tərəvəzdən sonra ən çox pul buğda idxalı üçün ödənilib. 8 ayda Azərbaycana gətirilən 480 min 960 ton buğda üçün 122 milyon 246 min ABŞ dolları xərclənib.