İran tərəfdarı qüvvələrin döyüşçüləri İsrailin Palmiradakı (Dəməşqdən 240 kilometr məsafədə yerləşən tarixi şəhər) hava limanına hücumu zamanı öldürülüb.
Bu barədə Dubay (Birləşmiş Ərəb Əmirlikləri) telekanalı “Al Hadath” məlumat yayıb. Telekanalın yaydığı məlumatda qeyd olunur ki, İsrail İranın pilotsuz uçuş aparatlarının bazasına hücum edib. Nəticədə 4 nəfərin öldüyü və yaralananların olduğu bildirilir. Lakin onların sayı barədə məlumat verilmir.