Polşa sərhədlərini bağladı və xaricilərin girişinə qadağa qoydu
“Report” “TASS”a istinadən xəbər verir ki, yeni növ koronavirusun yayılmasına qarşı yönəlmiş müvafiq əmr yerli vaxtla gecə yarısında qüvvəyə minib.
Xüsusi rejim 24 mart tarixinə qədər davam edəcək. Lakin, ehtiyac yaranacağı təqdirdə xüsusi rejimin müddəti 20 gün, epidemioloji vəziyyətdən asılı olaraq isə bir ay müddətinə uzadıla bilər.
Polşanın Baş naziri Mateuş Moravetski bildirib ki, bu zəruri və yaxşı düşünülmüş profilaktik tədbirdir, çünki hakimiyyət bəzi qonşu ölkələrdə olduğu kimi xəstəliyin kütləvi yayılmasına imkan vermək istəmir.