Əfqanıstan Milli Müqavimət Cəbhəsi ABŞ-da rəsmi qeydiyyata alınıb
Əfqanıstanda hakimiyyəti ələ keçirmiş radikal «Taliban» hərəkatına qarşı duran Milli Müqavimət Cəbhəsi (MMC) Amerika Birləşmiş Ştatlarında (ABŞ) xarici agent qismində özünün nümayəndəliyini qeydiyyata aldırıb.
Bu barədə oktyabrın 28-də «Axios» informsiya portalına istinadla TASS xəbər verib.
Bundan sonra MMC rəsmi olaraq, lobbist fəaliyyəti ilə məşğul olacaq və Amerika siyasətçilərini əfqan müxalifətinə dəstək verməyə inandıracaq.
Qeydiyyat haqqında sənədlərin mətnində qeyd olunur ki, nümayəndəlik Əfqanıstanda azadlığın və demokratiyanın dəstəklənməsi ilə məşğul olacaq - Konqreslə, administrasiya və Amerika xalqı ilə aktiv təmasların hesabına.
Qeyd olunur ki, Əfqanıstanda müqavimət Amerika investisiyalarının Əfqanıstanda müdafiəçisi olacaq. Bu investisiyalar son 20 ildə yatırılıb və ölkəni dözümsüzlükdən və terrorçuluqdan qurtaracaq.
Portal xatırladır ki, respublikaçı-senator Lindli Qrem və ABŞ Konqresi Nümayəndələr Palatasınnın üzvü, həmin partiyadan olan Mayk Uolts bundan əvvəl Amerika Prezidenti Co Baydeni Əfqanıstan hökumətinin legitim nümayəndəsi kimi MMC-nin lideri Əhməd Məsudu və keçmiş vitse-prezident Əmrulla Salehi tanımağa çağırmışdı.
Bu zaman portal qeyd edir ki, Bayden administrasiyası bunu etmək fikrində olduğu barədə heç bir reaksiya verməmişdi. Nəşrin fikrincə, MMC-nin ABŞ-da qeydiyyatı onu göstərir ki, əfqan müxalifəti Vaşinqtonda açar rəsmi şəxslərin dəstəyinə nail olmağa can atır.
«Axios» hesab edir ki, ABŞ-ın köməyi Əfqanıstanda qalmış taliblərə qarşı istənilən hərbi müqavimət üçün kritik əhəmiyyət kəsb edir.