Əfqanıstan antitaliban müqavimətinin lideri Əhməd Məsud Əfqanıstan ərazisində yerləşir.
Bu barədə noyabrın 2-də «Sputnik Tacikistan» İA xəbər verib - Milli müqavimət cəbhəsindəki (MMC) mənbələrə istinadla.

Bundan əvvəl KİV-də informasiya getmişdi ki, əfqan müqavimətinin lideri indiki halda Tacikistan ərazisində yerləşir. Bu barədə üsyançıların nümayəndəsi, şimali Pəncşir əyalətinin keçmiş qubernator müavini Kabir Vasik bəyan etmişdi. Ancaq məlumatlı mənbə bu informasiyanı təkzib etmişdi və bildirmişdi ki, Məsud bütün bu vaxtlar müqavimət tərəfdarları ilə birliklə əfqan torpağında yerləşib.

«Təhlükəsizlik nöqteyi-nəzərindən biz onun dəqiq yerini göstərə bilmərik. Dəqiq deyə bilmərik ki, o, haradadır - Əndərobda, Pəncşirdə, Bədəxşanda və ya Təhorda? Amma bizim lider Tacikistana getməyib», - o dəqiqləşdirib.

Bu zaman qeyd olunur ki, Kabir Vasik heç vaxt cəbhənin tərkibinə daxil olmayıb və cəbhə rəhbərlərinin fəaliyyəti və harada yerləşməsi barədə məlumata malik ola bilməz. Bundan əvvəl MMC xarici əlaqələr şöbəsinin başçısı Əli Maysam Nəzəri də "Sputnik Əfqanıstan"a xəbər vermişdi ki, Əhməd Məsud vətəndə yerləşir.