Təhsil naziri Emin Əmrullayev bir müddətdir sosial şəbəkədə fenomen olan müəllim və şagirdləri ilə görüşüb.
Bu barədə nazir özünün “Facebook” səhifəsində paylaşım edib:
“Bu gün Lənkəran rayonu Jidi kənd ümumi orta məktəbində Leyla müəllim ilə görüşdük. Leyla müəllim sosial şəbəkələrdə şagirdləri ilə paylaşdığı ürəkaçan videolarla yadımızda qalıb. Onun timsalında ucqar kənd məktəblərində şagirdləri təhsilə həvəsləndirən bütün müəllimlərimizə minnətdarlığımı bildirirəm”.