Redaksiyamıza bir müddət öncə Gəncə-Daşkəsən Regional Təhsil İdarəsi ilə bağlı daha bir ilginc məlumat daxil olub.

Məlumatda qeyd olunurdu ki, Samux rayon təhsil idarəsində adı texniki işçi kimi qeyd olunan İsmayılova Məsmə Arzuman qızı 2 ilə yaxındır ki, Fransaya yerləşib, orada yaşasa da, adı maaş cədvəlində saxlanılb. 

Bu məlumatın mediyaya sızdığından xəbər tutan Gəncə-Daşkəsən Regional Təhsil İdarəsinin müdiri Anar Qədiməliyev həmin işçini 1 iyul 2022-ci ildə K-109 saylı əmri əsasında işdən azad edib. İşdən azad olmaq üçün əsas isə işçinin ərizəsi göstərilib. 

Maraqlıdır, A. Qədiməliyevə adı işdə özü isə Fransada olan  işçinin ərizəsini kim təqdim edib, həm də harada? 

Əldə etdiyimiz məlumatda deyilir ki,  Məsmə Arzuman qızı hələ də Fransadadır, belə çıxır ki, region müdiri özü ərizə üçün oraya ezam olub. Yeri gəlmişkən qeyd edək ki, bu yaxınlarda yenicə qurulan idarənin rəisi Anar Qədiməliyevin iş vaxtı öz hesabına xaricə səyahət etməsi haqqında elə regional idarənin işçilərindən məlumat almışıq. Ancaq bu Fransa sərgüzəştindən bəhs edən ərizədən sonra idi.

Oxucuya və eləcədə aidiyyəti qurumlara Anar Qədiməliyevin hal-hazırda da Fransada olan İsmayılova Məsmənin adına imzaladığı əmri təqdim edirik:

Buradan ortaya daha bir sual çıxır, bu xanımın adı işdə ola-ola Fransada yaşadığını bütün Samux rayonu bildiyi halda, təhsil idarəsi bundan necə xəbərsiz olur. Və ya bu işçinin adına büdcədən ayrılan maaşı kim alıb? 

Məntiqlə...

P.S. Yeri gəlmişkən qeyd edək ki, ölkə üçün narahatlıq yaradanlar da elə Fransadan çıxış edir. Özünü qaçqın, köçkün kimi qələmə verərək siyasi sığınacaq alanlar Fransaya, Almaniyaya, daha harasa sığınıb Qərbin qanadı altında isinir, Dubayda, Türkiyədə deyil.

P.S.S. Demokratikliyimizdən yararlananların içərisində üstəlik özü xarici ölkədə, adı işdə gedənlər də varmış.

Mehriban Əzizqızı