Ukrayna prezidentinin aparat rəhbərinin müşaviri Mixail Podolyak Moskva vilayətində “Russkiy mir” ideoloqu Aleksandr Duqinin qızı Darya Duqinanın qətlində Kiyevin hər hansı əli olduğunu inkar edir. 

Globall.az bu barədə xarici KİV-ə istinadən xəbər verir. 

“Ukraynanın, əlbəttə ki, bununla heç bir əlaqəsi yoxdur. Çünki biz kriminal dövlət deyilik", - Podolyak milli telemarafonun efirində deyib. 

Qeyd edək ki, qadının avtomobilinə yerləşdirilmiş bombanın partlaması nəticəsində öldüyü bildirilib. Bəzi dairələr tərəfindən partlayışın arxasında Kiyev hakimiyyətinin olduğu iddiası irəli sürülüb.