Ermənistan parlamentində kütləvi dava baş verib.
Virtualaz.org yerli KİV-ə istinadən bildirir ki, əvvəlcə "İşıqlı Ermənistan" müxalif fraksiyasının rəhbəri Edmon Marukyanla "Mənim addımım" partiyasından olan deputat Sasun Mikaelyan arasında mübahisə yaranıb. Çıxış zamanı Marukyanın Mikayelyanı "dayı" adlandırması qarşı tərəfi hiddətləndirib və həmkarlar arasında əlbəyaxa dava düşüb. Mikaelyan Marukyanı hədələyərək vurub. O, isə kürsüdən bildirib: "döysəniz də, döyməsəniz də mən deyəcəyəm".
Sasun Mikaelyan öz növbəsində həmkarını "başını üzəcəyəm" deyə hədələyib. Marukyan isə cavabında "başımı üzən hələ dünyaya gəlməyib, burada boş-boş danışma" deyib. Bu münaqişə tezliklə kütləvi davaya çevrilib.
Parlamentin sədri Ararat Mirzoyan təhlükəsizlik xidmətinə zəng edb və iclası təxirə salıb.