Nazirin aqrar sahə üzrə mütəxəssisi Regional Təhsil İdarəsini “iflic” etməkdədir.

    Bir neçə gün öncə, yəni sentyabr ayının 23-də Gəncə şəhərindəki 20 №-li tam orta məktəbin 4-cü “B” sinifinin şagird və valideynləri etiraz aksiyası keçirməyə məcbur olurlar. Aksiyaya əsas səbəb, adı gedən sinifin valideynlərinə 22 sentyabr axşam saatlarında, təqribən 20-21 radələrində adı çəkilən bu sinifdəki şagirdlərinin bölünərək digər siniflərə yerləşdirilmələri olur. Bu haqda yeni dərs ilinin əvvəlindən məlumat verilmədiyindən, necə deyərlər məktəbin rəhbərliyi xəlvəti addımını atdığından, məlumatı eşidən valideyinlər dərhal 20 №-li tam orta məktəbə və oradan konkret cavab almadıqları halda Gəncə-Daşkəsən Regional Təhsil İdarəsinə üz tuturlar. Belə ki, onlar ilk öncə direktorun qəbulunda olur, məsələyə rəhbərlikdən münasibət öyrənmək istəyirlər, amma bu yöndə məqsədlərinə nail ola bilmirlər. Məktəbin direktoru Mehriban Mahmudova ortaya çıxmır, valideyinlər onun işdə olub-olmadığını belə dəqiqləşdirə bilmirlər. Sadəcə olaraq onu öyrənə bilirlər ki, direktorun bu məsələyə aidiyyatı yoxdur, əmr reğional idarədən gəlib, gedin orada aydınlaşdırın. Valideyinlərin Regional İdarəyə üz tutmalarına baxmayaraq,idarənin rəisi Anar Qədiməliyev də onları qəbul etməkdən imtina edir. Həmin vaxt valideyinləri müavin Rövşən müəllim qəbul etsə də, nə onun özü, nə də ki, bir kimsə baş verənlərə heç bir konkret münasibət bildirmirlər. 

        Daha sonra valideynlər məcburiyyət qarşısında media nümayəndələrinə müraciət etməli olurlar.Media nümayəndəsi olaraq aldığımız cavab isə “Bilirsiniz, Anar müəllim jurnalistlərin suallarını cavablandırmaq üçün bizə icazə vermir” cavabını verməklə, bir növ medianıda “yola verməyə”çalışdılar.    

Araşdırma zamanı öyrəndik ki, əvvəllər  siniflərdə uşaq sayı onların hansı dərs tədris olunan sinfin sahəsinə uyğun aparılırdı , indi görünür təhsildə belə incəliklərə əhəmiyyət verilmir, görünür təlim-tədris prosesinin təlimatlarına əhəmiyyət verilmir. Peşəkarların səfi azaldıqca qanundan kənar baş verənlərin sayı artıq.(müəllif Mehriban Əzizqızı) 

Gəncədə 20№ li məktəbin 4-cü “B” sinifinin bağlanmasına heç bir səbəb olmasa da baş verənlər göz qabağında, buna oxşar olaylarsa səngimirki, səngimir. Çünki, bu sinif otağının sahəsi 29 kv.m-dir və şagird sayı sinifin kvadratına uyğun gəlir. Yəni, 29 kv.m-lik sinif otağına 16 nəfər şagirdin yerləşmələri  normativlərə cavab versə də bu hal Gəncə-Daşkəsən Regional Təhsil İdarəsinin işbazların ”normativlər”inə uygun gəlmir. Sadəcə olaraq valideyinlər belə bir məlumat əldə edirlər ki, başqa siniflərdə şagird sayı azdır, məktəbin rəhbərliyi 4-cü “B” sinifini digər siniflərə bölüşdürmək qərarına gəlib. Uşaqlar da başqa sinifləri istəmirlər, yalnız öz  siniflərini və onlara ilk sinifdən təlim ,tədris aparan müəllimlərini istəyirlər. Onu da bildirək ki, bu ibtidai sinifə rəhbərlik edən sinif müəlliməsi onkoloji xəstədir, onun həyat yoldaşı yoxdur və ailə başçısı tək onun özüdür. Ola bilərmi ki, belə bir səbəbdən rəhbərlik bir növ onu sahibsiz görür və həmin müəlliməyə qarşı da təpkilərini artırır.

    Baxmayaraq ki, valideynlər övladlarının üz-üzə qaldıqları psixoloji durumu rəhbərliyə çatdırmaq istəsələr də, onlara soyuqqanlılıqla, saymazyana “artıq gecdir” deyə cavab verilir. Qeyd edək ki, sinifi dəyişdirilmiş şagirdlərdən birinin səhhətində, ürəyində ciddi problemin olmasına baxmayaraq, direktor Mehriban Mahmudova baş verənlərə münasibət bildirmək üçün meydana çıxmır və valideyinlərə “bu kimi məsələlər direktor müavininin və hərbi dərsləri tədris edən rəhbərin öhdəsinə buraxır. Həmin günün ikinci yarısında valideynlər təkrar Regional Təhsil İdarəsinə üz tutsalar da, bu dəfə də idarənin rəisi Anar Qədiməliyevlə valideynlər arasında görüş baş tutur. Onlara “iki saat vaxtınız var, əlavə dörd uşaq da tapın ki, həmin sinif bağlanmasın” cavabı verilir və sonda Regional Təhsil İdarəsinin rəhbərliyində olanlar, məhz problemin həllini valideynlərin üzərinə qoyurlar.Valideynlər övladlarının xatirinə bu boryeri də aşırlar. 

Bəs neçə, biz Azərbaycan xalqı övladının hər zaman sağlam böyüməsi üçün nələrdən keçirik. 

   P.S.   Hər kəsin diqqətini belə bir problemə oxşar, hansı ki, 20 №li orta məktəblə eyni ərazidə yerləşən 32 №li orta məktəbdə baş verən insidentə yönəltmək istərdik. Bu məsələ əksər sosial şəbəkə izləyicilərinə məlum olduğu üçün onu qeyd etmək istəyirik ki, 32 №li tam orta məktəb 800 nəfər şagird üçün nəzərdə tutulsa da, bu məktəbdə təhsil alan şagirdlərin sayı 1800 nəfərdir. Ona görə də bu məktəbin rəhbərliyində  olanlar müəyyən zaman kəsiyi  şagirdlərdən bir çoxunu bir neçə kilometr aralı məsafədə fəaliyyət göstərən 34 №li orta məktəbə köçürmək istəyirlər. Şəhərin dəmir yolu vağzalına yaxın ərazidə yaşayan sakinlərin övladlarının 34 №li orta məktəbə gedib-gəlmələri problem əmələ gətirdiyindən, bu məktəbin rəhbərliyi valideyinlərə “ biz uşaqlarınıza nəqliyyat vasitələri ayıracayıq ” deyib onları razı salmaq istəsələr də, sonda valideyinlər baş verənlərlə bağlı media qurumlarına açıqlama verirlər və çox keçmir ki, məktəb və regionun birgə valideyn və şagirdlərə yaşatmaq istədikləri  problem öz həllini tapır. O halda sual oluna bilər ki, əgər 32 №li orta məktəb 800 nəfər şagir üçün nəzərdə tutulubsa və burada  1812 nəfər şagirdə sürüşmə cədvəli yolu ilə, yəni ibtidai siniflərdə hər həftənin altı günü dərs keçməklə, əmələ gələn problemi belə bir qaydada həll etməyə nə lüzum var? Yaxşı olmazdımı ki, hər iki məktəbdə təhsil alan şagirdlərin problemləri ərazi baxımından şağird və valideynin xeyrinə həll olunardı? Yeni təsdiq olunan qanuna deyil, yəni məktəbdəki şagird sayına görə direktorun maaşındakı artıma uygun deyil, qanuna müvafiq həll olunardı. 

Bu zaman ortaya düşündürücü sual çıxır ki, Gəncə-Daşkəsən Regional Təhsil İdarəsində yaşanan problemlərin varlığı kimdən soruşulmalıdır? Təhsil naziri Emin Əmrullayevdən, yoxsa onun adı gedən idarəyə təyin etdiyi təhsil sahəsi üzrə deyil,  aqrar sahə  mütəxəssisi olan Gəncə-Daşkəsən Regional Təhsil İdarəsini bazar qanunları ilə idarə edən  rəisi Anar Qədiməliyevdən? Demək, bu kimi suallara cavab əldə etmək üçün, heç də alim olmaq lazım deyil. Sadəcə olaraq gördüyümüz həqiqət ondan ibarətdir ki, Təhsil naziri Emin Əmrullayevin təyin etdiyi bu kadr, hal-hazırda yarıtmaz idarəçiliyi ilə Gəncə-Daşkəsən Regional Təhsil İdarəsini “iflic” etməkdədir. 

Yazıda adı çəkilən hər kəsin mövqeyini dinləməyə hazırıq.

Mehriban ƏZİZQIZI