Gəncədəki 1№li orta məktəbdə davam edir -
37- daha kəskin, daha ciddi!
Gəncə şəhərinin mərkəzi ərazilərindən birində fəaliyyət göstərən İsmət Qayıbov adına 1 №li tam orta məktəbdə direktor olmaq arzusuna düşənlərin sayı çoxaldıqca, Gəncə-Daşkəsən Regional Təhsil İdarəsi tərəfindən adı çəkilən bu təhsil ocağına göstərilən təpkilər də artmaqda davam edir. Yəni, “davam edir 37- daha kəskin, daha ciddi!” deyə məktəbə repressiyalar davam edir. Əziz oxucular! Yaddaşınızı yeniləmək üçün bir xatırlamanı qeyd etmək istərdik ki, ötən illər ərzində təhsil sahəsində çalışan və uzun müddət 1№li orta məktəbdə direktor vəzifəsini daşıyan Mətanət Qarayeva, bu ilin iyun ayında özünə qarşı intihara cəhd etmişdir. Qeyd edək ki, baş verən olayla bağlı hal-hazırda Göygöl Rayon Prokurorluğunda istintaq işləri aparılmaqdadır. Bir neçə gün bundan öncə adı çəkilən bu təhsil ocağından redaksiyamıza çatdırılan məlumatlarda, həmçinin yerlərdə dolaşan söz-söhbətlərdə bildirilirdi ki, səndemə məktəb direktorunu intihar həddinə çatdıran Gəncə-Daşkəsən Regional Təhsil İdarəsinin rəisi Anar Qədiməliyev olub. Onu da qeyd edək ki, bu Gəncə təhsilində baş verən ilk və son olay deyil. Belə qalmaqallar Anar Qədiməliyev təhsilə rəis təyin olunandan tez-tez baş versədə hələlik həm təhsil nazirliyindən, həm də aidiyyatı strukturlardan bu vəziyyətə münasibət bildirən yoxdu. Susqunluqdan əzilənsə hələlik müəllim tayfasıdır. Başqa bir məlumatda isə bildirilir ki, olayın baş verməsinə səbəb Anar Qədiməliyevin bu məktəbə yeni direktor təyin etmək fikri olur. Digər bir mənbə isə qeyd edir ki, adı keçən məktəbdə direktor olmaq arzusunda iki namizəd var ki, onların hər ikisi direktor müavinləridirlər. Və onların bu arzularının həyata keçməsində maraqlı elə Anar Qədiməliyevin şəxsən özüdür.Yəni, onlardan biri təlim-tərbiyə işləri üzrə direktor müavini Nüşabə Məmmədova, digəri isə rus bölməsi üzrə direktor müavini Səbinə İmamverdiyevadır. Yeri gəlmişkən onu da qeyd edək ki, Nüşabə Məmmədovanın qayınatası Müsəddin Məmmədov uzun illər adı çəkilən bu təhsil ocağının direktoru olmuşdur. O, daşıdığı vəzifəsindən ayrıldıqdan sonra gəlinini yerinə direktor təyin etmək istəsə də, bu yöndə məqsədinə nail ola bilmədən dünyasını dəyişir. Hal-hazırda isə Nüşabə Məmmədovanın kürəkəni Azər İbrahimov həm Anar Qədiməliyevlə dostdur, həm də Gəncə şəhər İcra Hakimiyyətində ictimai-siyasi və humanitar məsələlər şöbəsi müdirinin müavinidir. Belə bir səbəbdən də, bu gün Nüşabə Məmmədovanın direktor olmaq şansı Səbinə İmamverdiyavadan daha üstündür. Daxil olan məlumatların birində o da qeyd olunur ki, hazırda bu məktəbdə direktor vəzifəsini daşıyan Mətanət Qarayeva, ötən həftənin cümə günü Göygöl Rayon Prokurorluğuna dəvət olunur. Belə bir dəvət olunmadan sonra məktəbdəki davamiyyətə birbaşa cavabdehlik daşıyan Nüşabə müəllimə şagirdlərə “dərslər olmayacaq” deyib onları evə buraxır və az sonra onun özü də iş saatı tamam olmasa da çıxıb evə gedir. Həmin vaxt Gəncə- Daşkəsən Regional Təhsil İdarəsinindən davamiyyəti yoxlamaq məqsədilə bəzi şəxslər məktəbə gəlirlər və həm şagirdlərin, həm də Nüşabə Məmmədovanın işdə olmaması barədə qeyd də aparırlar. Məktəbdə direktorun olmadığından davamiyyətə birbaşa cavabdeh olan Nüşabə müəllimənin mobil telefonuna zəng vurulur, telefonuna zəng çatmadığından, məktəb rəhbərliyi uzun axtarışından sonra onun həyat yoldaşına zəng edir, o isə “bilmirəm hardadır” deyə cavab verir. Bir müddətdən sonra , yəni sonrakı günlərdəNüşabə Məmmədovadan “Bakıya gəzməyə getmişdim” cavabını alırlar. O halda ortaya belə bir sual çıxır ki, görəsən davamiyyətə cavabdehlik daşıyan “zavuç” niyə şagirdləri evə buraxır, az sonra onun özü də “kayb olur “? Bu bir təsadüfdürmü?! Yəni, bütün bunlar onu söyləməyə əsas vermirmiki, Nüşabə Məmmədova Anar Qədiməliyevə arxayın olub hər cür özbaşınalıqlar edir və bilərəkdən davamiyyəti pozur. Eyni zamanda o, direktor kürsüsünə yiyələnmək üçün həm kürəkəninə, həm də onun dostuna arxayın olub addımlarmı atır yoxsa... P.S Yazı hazırlanan zaman daha bir məlumatda əldə etdik. 1№-li məktəbdə baş verənlərdən birbaşa sorumlu olan Anar Qədiməliyev bu dəfədə fürsəti əldən verməyib. Belə ki, davamiyyətlə bağlı qurulan planın müvəffəqiyyətlə icrası başa çatdığından həmin məsələni yenicə Gəncə-Daşkəsən Regional Təhsil İdarəsində Həmkarlar Təşkilatına sədr özünün seçdirdiyi sağ-sol əllərindən olan Aişən xanıma həvalə etmiş , o da öz növbəsində həll olunmaz sayılan məsələyə nöqtə vuraraq , rəisə tabe olmayan direktordan can qurtarmağa yardım etmiş olub. Səbəb isə 1№-li məktəbin direktoru Mətanət Qarayevanın oktyabr ayının 12-də Gəncədə Baş Prokuror Kamran Əliyevin vətəndaşlarla keçirəcəyi qəbula yazılmasıdır. Həəəəə, yenə sual , Anar Qədiməliyev bu kimi məlumatları hardan bilir? Bu kimi məlumatları özünün dediyi kimi, ona prokurorluqdan, polisdən, hətta DTX-dan belə çatdıran, qulluğunda olanlar var . P.S.S Daha bir məlumatda isə deyilir ki, Göygöl , Gəncə prokurorluğunda iyundan bəri intiharla bağlı istintaq aparıldığından (hərçəndi hər hansı nəticəyə vara bilməsələrdə) 1№-li məktəbin direktoru baş verən olaylardan bəri məzuniyyətə indilərdə çıxdığından həmkarlar təşkilatının iclasını onun həmkarları Mətanət Qarayevasız keçirmişdilər. Çox maraqlıdır direktordan başqa, davamiyyətə birbaşa cavabdeh olan 1№-li məktəbin təlim-tərbiyə işləri üzrə müavini, yeri gəlmişkən Gəncə şəhər icra hakimiyyətində ictimai-siyasi və humanitar məsələlər şöbəsinin müdirinin müavini-dini qurumlarla işin təşkilatçısı Azər İbrahimovunda qaynanası olan Nüşabə Məmmədovanı nə əcəb keçirilən iclasa dəvət etməyiblər? Və yaxud bu məktəbdə çalışan kollektivin fikri təhsil idarəsi üçün bu qədərmi önəmsizdir? Mehriban Əzizqızı