Azərbaycan millisinin və Xorvatiyanın “Dinamo” (Zaqreb) klubunun futbolçusu Mahir Emrelinin səhhətində problem yaranıb.

Bu barədə komandanın baş məşqçisi Ante Çaçiç mətbuat konfransında bildirib.

69 yaşlı mütəxəssis Emreli ilə yanaşı daha 4 oyunçuda virus aşkarlandığını söyləyib.

Çaçiç həmin şəxslərin XIV turda “Hayduk”la səfər görüşündə iştirak etməyəcəyini diqqətə çatdırıb.

Qeyd edək ki, oktyabrın 21-də keçiriləcək “Hayduk” – “Dinamo” qarşılaşması Bakı vaxtı ilə saat 20:00-da başlayacaq.