Bu gün Xorvatiya prezident seçəcək –
11 namizəd mübarizə aparacaq
TASS-ın verdiyi məlumata görə, dövlət başçısı vəzifəsinə 11 nəfər namizədliyini irəli sürüb.
Prezidentlik kürsüsü uğrunda ölkənin hazırkı prezidenti Kolinda Qrabar-Kitaroviç, müxalif Sosial-demokratik partiyanın namizədi Zoran Milanoviç, müğənni və musiqiçi Miroslav Şkoro, müstəqil namizədlər Dario Yuriçan, Daliya Oreşkoviç, Mislav Kolakuşiç, eyniadlı partiyadan İvan Pernar, “Fəhlə cəbhəsi” siyasi birliyindən Katarina Peoviç, Xorvatiyanın bütün çakovts, kaykovts və ştokovtslarının partiyasından Nedelko Babiç, iqtisadçı Deyan Kovaç və “Milli yenilənmənin demokratik ittifaqı” partiyasının namizədi Anto Capiç mübarizə aparacaqlar.
Son rəy sorğularına əsasən, keçiriləcək seçkilərin favoritləri Kolinda Qrabar-Kitaroviç, Zoran Milanoviç və Miroslav Şkorodur.
Bu üçlükdə isə lider sabiq baş nazir Zoran Milanoviçdir. Bu mərhələdə 24,3 faiz seçici onun namizədliyini dəstəkləyib.