İtaliyanın müvəqqəti işlər vəkili Rusiya Xarici İşlər Nazirliyinə çağırılıb.
Bu barədə Rusiya Xarici İşlər Nazirliyinin bəyanatında deyilir.
“Avqustun 5-də İtaliya Respublikasının Rusiya Federasiyasındakı müvəqqəti işlər vəkili Q.Skopa İtaliyanın informasiya məkanında davam edən anti-Rusiya kampaniyası və rəsmi Moskvanın bəzi iyrənc bəyanatları rədd etməsinə Romanın qeyri-mütənasib reaksiyası ilə əlaqədar Rusiya Xarici İşlər Nazirliyinə çağırılıb”, - məlumatda bildirilib.
Qeyd edilib ki, İtaliyanın əsas mediasının anti-Rusiya fəaliyyəti hazırda Rusiya-İtaliya münasibətlərində yaşanan böhranın yalnız kəskinləşməsinə kömək edir:
“İtaliya tərəfinə bildirilib ki, İtaliyanın əsas kütləvi informasiya vasitələrinin ardıcıl anti-Rusiya fəaliyyəti, çoxsaylı saxtakarlıqlar, o cümlədən Moskvadakı nəşrlərin müxbirlərinin yalan məlumatlar ehtiva edən məqalələri, habelə İtaliyanın hakim dairələrinin tam dəstəyi ilə Rusiyaya qarşı son dərəcə düşmən bəyanatlar verməyə imkan verən rusofobik hücumlar bu gün Rusiya ilə münasibətlərin kəskinləşməsinə təkan verir”.