Türkiyədəki zəlzələdə 1 nəfər ölüb - Dağıntılar altından 4 nəfər çıxarılıb
Xəbər verdiyimiz kimi, avqustun 10-da Balıkesir vilayətinin Sındırqı rayonunda 6,1 maqnitudalı zəlzələ baş verib.
“TRT Haber” xəbər verir ki, bu barədə məlumatı ölkənin daxili işlər naziri Ali Yerlikaya açıqlayıb.
Onun sözlərinə görə, dağıntılar altından çıxarılan 81 yaşlı bir kişinin həyatını xilas etmək mümkün olmayıb.
Həmin şəxs Türkiyəli aktrisa Eylül Tumbarın əmisi olub. O, sosial şəbəkə hesabında paylaşım edib.
Yaxınlarının dağıntılar altında qaldığını açıqlayan aktrisa, sonrakı paylaşımda əmisinin vəfat etdiyini bildirib: “Onu xilas edə bilmədilər, başımız sağ olsun. Yenə də ona dəstək olan hər kəsə təşəkkür edirəm”.
Ölkənin səhiyyə naziri Kamal Memişoğlu bildirib ki, dağıntılar altından 4 nəfər çıxarılıb. Onlar xəstəxanaya yerləşdirilib. Vəziyyətləri stabildir.
Qeyd edək ki, avqustun 10-da Balıkesir vilayətinin Sındırqı rayonunda 6,1 maqnitudalı zəlzələ baş verib. Zəlzələ zamanı 1 nəfər ölüb, 29 nəfər isə xəsarət alıb. Hazırda 4 yaralının müalicəsi davam etdirilir.