Avropa İttifaqı ölkələri hər gün tarixi yenidən yazaraq özünü məhv etmək yoluna qədəm qoyub.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova Şərq İqtisadi Forumu (EEF) çərçivəsində TASS-a müsahibəsində deyib.

"Onların paradlarda iştirak etməməsi, əslində, özlərini ifşa etmələridir", – deyə, diplomat bildirib. "Onlar bu şəkildə öz mahiyyətlərini ortaya qoyurlar. Çünki əslində onlar "dərin xalq" anlayışını təmsil etmirlər. Onlar irqçi ayrı-seçkilik ideologiyası, nasizm meyilləri – insanlara milli mənsubiyyətinə görə münasibət bəsləmək, onları "haqqı olanlar" və "doğuşdan hüquqsuzlar" kimi kateqoriyalara bölmək düşüncəsi ilə formalaşmış elitalardır.

Bu yanaşma, müasir dövrdə ölkələrin, xalqların və etnik qrupların yaratdığı qarşılıqlı hörmətə əsaslanan modelə ziddir. Allah məni bağışlasın, lakin Avropa İttifaqının xarici siyasət rəhbəri [Josep] Borrell-in "qızıl milyard" adlı gözəl bir bağdan və onun ətrafındakı vəhşi cəngəllikdən danışması bu ideyanı təsdiqləyir."

"Bu səbəbdən onlar hər gün tarixi yenidən yazırlar. Əgər bu siyasəti davam etdirsələr, sonda özlərini məhv edəcəklər", – deyə Zaxarova əlavə edib.

Press-fakt