Venesuela Prezidenti Nikolas Maduro Kolumbiyalı həmkarı İvan Dukeni xalqının düşməni elan edib.
TASS agentliyi məlumat verir ki, N.Maduro Kolumbiya liderinin Venesuelanın sabitliyini pozmağa çalışdığını bildirib.  
“Kolumbiyadan maliyyələşən və xüsusi hazırlanan şəxslər ölkəmizdə destablizasiya yaratmağa cəhd edirlər. İvan Duke Venesuelada dövlət çevrilişi etməyə cəhd edib”, - Prezident Maduro açıqlamasında söyləyib.
Prezident hərbçilərə səslənərək Kolumbiya ilə sərhəddə yerləşən ərazilərdə ayıq-sayıq olmaq barədə göstəriş verib.