Xəbər verdiyimiz kimi, Qəzzada apardığı müharibənin ikinci ilinə yaxınlaşan İsrail hökumətinin başçısı Benyamin Netanyahu ölkəsinin təcridə hazır olmasının vacibliyinə dair xəbərdarlıq edib.

Netanyahu ölkənin gələcəkdə təcrid olunma ehtimalına hazırlaşmalı olduğunu bildirib.

O, Ynet-ə açıqlamasında vurğulayıb ki, belə bir vəziyyətdə İsrail iqtisadiyyatda maksimum özünü təmin etməyə əsaslanan avtar­kiya rejiminə keçməyə məcbur qala bilər.

Baş nazir qeyd edib ki, bu addım ölkənin təhlükəsizliyini və dayanıqlılığını qorumaq üçün vacib ola bilər. 

Netanyahunun bu xəbərdarlığı İsraili yaxın gələcəkdə daha çətin günlərin gözlədiyini düşünməyə əsas verir. Hazırda İsrail Qəzza bölgəsində hərbi əməliyyatları davam etdirir. Təl-Əvivin məqsədi bütün Qəzzaya nəzarət etməkdir. Hətta bu günlərdə İsrail danışıqlarda vasitəçi olan Qətərə də zərbələr endirib. Buna görə əsas müttəfiqi ABŞ da Təl-Əvivin hərəkətini qınayıb. Eyni zamanda, Avropa İttifaqının əksər ölkələri İsrailin hərəkətlərini pisləyən bəyanatlarla çıxış ediblər.

Belə bir vəziyyətdə baş nazir Netanyahu xalqı təcridə hazır olmağa çağırıb.

Press-fakt