“Ramiz Mehdiyevin bir “başmaq cütləyəni” vardı – Əli Həsənov. Onun ilk ağsaqqalı Yeni Azərbaycan Partiyasının (YAP) qurucularından biri və partiya sədrinin keçmiş müavini, professor Əli Nağıyev olub”.

Press-fakt xəbər verir ki, bu sözləri tanınmış jurnalist Heydər Oğuz sosial şəbəkə hesabında yazıb.

O bildirib ki, ağsaqqalı 2019-cu ildə mediaya verdiyi Əli Həsənovu belə xarakterizə edirdi:

“Mən Əli Həsənovu ilk dəfə Heydər Əliyevin Naxçıvan Ali Məclisinin sədri olarkən, onun qəbul otağında tanımışam. Həmin vaxtı Əli Həsənov özü haqqında mənə söhbət edirdi. Söhbət zamanı məlum oldu ki, Əli Həsənov xalam oğlu Rafiqin işçisidir. Xalam oğlu isə həmin vaxtı Naxçıvan Universitetində tədris hissəsinin müdiri vəzifəsində çalışırdı. Xalamoğlu Rafiq Naxçıvan universitetini bitirmişdi, adi müəllim idi. Əli Həsənov isə M.V.Lomonosov adına Moskva Dövlət Universitetini (MDU) bitirib və orada müdafiə edərək, elmlər namizədi olub, sonra da Naxçıvan universitetini bitirən xalam oğlunun yanında dəftər daşıyan işləyirdi”.
 

Əli Nağıyevin iddiasına görə, M.V.Lomonosov adına Moskva Dövlət Universitetini bitirən bir şəxsin MDU məzununun “dəftər daşıyanı” olmasına ürəyi dözməyən YAP qurucusu onu öz himayəsinə alır və əlindən tutaraq hakimiyyət pillələrində irəliləməsinə yardımçı olur. Elə ilk zərbəni də çörək verdiyi bu adamdan alır. Əli Həsənov Ramiz Mehdiyevin yanında işə başlayar-başlamaz öz ağsaqqalı barədə Heydər Əliyevə donoslar ötürməyə başlayır və ata Əliyev axırda bu donosçu adamı TV ekranında bütün millətin gözü qarşısında ifşa edir. Buna baxmayaraq, Heydər Əliyev dünyasını dəyişən kimi Əli Həsənov Ramiz Mehdiyevlə əlbir olub Prezident Aparatında öz yerini möhkəmləndirməyi bacarır”.

Jurnalist qeyd edib ki, Əli Nağıyev öz adaşına bu köməkliyi etməsinin əsl səbəbinə də aydınlıq gətirir:

“Heydər Əliyev mənə zəng edib dedi ki, axı Əli Həsənov vaxtilə bizi ataraq, getdi alverlə məşğul olmağa! Sən də buna gətirib yüksək vəzifə verirsən! Mən Heydər Əliyevə dedim ki, ay Heydər Əliyeviç, axı bunun balası evdə acdır, bəs nə edəydi?”. Yəni balası acından ölməsin deyə Əli Həsənov yüksək vəzifəyə gətirilib. Əvəzində isə bu etibarsız adam öz ağsaqqalının ayağının altını qazmaqla “borcunu qaytarır”:

“Mən də hər zaman Əli Həsənova dəstək verirdim. Amma sonradan Əli Həsənov elədiyim bütün yaxşılıqları unudaraq, ayağımın altını qazmağa başladı”.

Məlumdur ki, Əli Nağıyev öz emossiyalarını gizlədən biri deyildi və həmin müsahibəsində çörək verdiyi adamı “yağlı təriflə vəsf etməyi də” unutmamışdı: “Bilirsiniz, xəyanətkarı Allah heç zaman bağışlamaz. Əsl kişi yediyi qaba tüpürməz” və s.

Bəs vaxtilə Əli Nağıyevin xalası oğlunun dəftərini daşımaqla evinə çörək aparan, ac uşaqlarını doyuran Əli Həsənovun indi nələri var?

Siyahını olduğu kimi diqqətinizə çatdırıram. Oxuyun, görün, “xaç atasını” və digər əqidədaşlarını Ramiz Mehdiyevə, dolayısıyla Moskvaya satmaqla Əli Həsənov necə qaz vurub qazan doldurub. Bir də utanıb-qızarmadan “mənim Ramiz Mehdiyevlə nə əlaqəm var” deyir”.

Heydər Oğuz 5-ci kolonun dəftərdaşıyan, ayaqqabı cütləyən üzvü kimi təqdim etdiyi Əli Həsənovun gözdən yayınmayan mülkiyyətini təqdim edib:

1. Bakı şəhərində “Dostluq V” yaşayış kompleksi (7 blok, 18 mərtəbə)

2. Bakı şəhərində “Evrostroy SS” yaşayış kompleksi – 12 bloklu 16 mərtəbələrdən ibarət olan 2 kompleks

3. Bakı şəhərində “Rahatlığın məkanı”– Goldyaşayış kompleksi- 25 blok

4. Bakı şəhərində Araz 2011 yaşayış kompleksi

5. Bakı şəhərində H.Əliyev prospektində 6 bloklu yaşayış kompleksi

6. Bakı şəhərinin Nərimanov rayonunda, Çanaqqala restoranı ilə üz-üzə 5 bloklu bina

7. Bakı şəhərinin Ceyhun Hacıbəyli küçəsində “Araz” İnşaat tərəfindən tikilən yaşayış kompleksi

Obyekt olaraq tikilərək icarəyə verilmiş daşınmaz əmlaklar:

1. Nərimanov rayonunda Ağa Nemətulla küçəsində 5 ədəd qeyri yaşayış sahəsi. Hər biri 3-5 min kv m

2. Nərimanov rayonu Atatürk prospekti 6-8 ünvanında Araz şirkətinin yerləşdiyi 2 mərtəbəli ofis binası

3. Ziya Bünyadov prospektində 31 ədəd qeyri yaşayış sahəsi (Beton zavod, mağazalar və s.)

4. Nərimanovda köhnə erməni qəbristanlığı ərazisində 3 futbol stadionu

5. Nərimanov rayonu İqtisad Universiteti ilə üz-üzə 10 000 kv m ərazisi olan Avto-Qalereya

6. Nərimanov rayonu, Əhməd Rəcəbli küçəsində 4 ədəd obyekt (Hilal Elektrik binası və yanındakı 3 bina)

7. Nərimanov rayonu, Təbriz küçəsində 3 qeyri-yaşayış sahəsi

8. Azadlıq prospektində inşa edilmiş otel binası

Restoranlar:

1. Fəvvarələr meydanında Cook Zone restoranı

2. Park Bulvar və Metroparkda Big Chef və fast food restoranlar şəbəkəsi

3. Nərimanov rayonu, Atatürk parkında Park restoranı

4. Nərimanov rayonu, Atatürk parkında Beer House restoranı

5. Nərimanov rayonu, Atatürk parkında Garden restoranı

6. Nərimanov rayonu, Həsən Əliyev küçəsinin Q.Murad küçəsi ilə kəsişməsində 50 sot ərazidə Şadlıq evi və Gecə klubu kompleksi

7. Nərimanov rayonunda yerləşən Hamam Kompleksi

8. Nərimanov parkı ərazisində 3 ədəd restoran və oyun attraksionları

Dövlət hesabına tikilərək mənimsənilmiş obyektlər:

1. Nərimanov rayonu, Koroğlu Rəhimov küçəsi 3A ünvanında dövlət hesabına tikilərək mənimsənilmiş 12 000 kv m qeyri-yaşayış sahəsi

2. Nərimanov rayonu, Heydər Əliyev prospektində dövlət hesabına tikilmiş 5 binada qohumlarının adına yazdırdığı 10 ədəd mənzil (Zamin, Azər, Zahid, Fərasət və digər qohumlar)

Villalar:

1. Əhməd Rəcəbli küçəsində Hilal Elektrik mağazasının arxasında tikilmiş 3 ədəd 4 mərtəbəli villa

2. İstanbulun lüks səmtində boğaz mənzərəli qəsr (Qiyməti 25 milyon ABŞ dolları)

3. Şamaxıda 4 ədəd villa

4. Novxanıda 2 ədəd villa

5. Nərimanovda köhnə erməni qəbristanlığı ərazisində 6 ədəd villa

Digər obyektlər:

1. Zavod - İstanbulda Mercedes markalı yük maşınları istehsal edən zavod (dəyəri 120 milyon ABŞ dolları)

2. Kənd təsərrüfatı - Ramanıda 10 ha ərazidə, 1000 baş heyvanın saxlandığı ferma

3. Gecə klubu - Nərimanov rayonunda Las Vegas gecə klubu

4. Nərimanov rayonda 30 ədəd ticarət köşkü və avtoyuma

5. Nərimanov metrosu üzərində 4 ədəd qeyri-yaşayış sahəsi

Heydər Oğuz qeyd edib ki, iddialara görə, Əli Həsənovun siyahısını təqdim etdiyim mülkiyyətinin qiyməti 2 milyard dollardan çoxdur./mənbə:sfera.az