İran Rusiyaya 500 milyon dollar borcu qaytarmayacaq
Tehran, İran
İran hökuməti “Buşehr-2” Atom Elektrik Stansiyasının tikintisi üçün Rusiyadan aldığı 500 milyon dollar həcmindəki borcu hələlik ödəməyəcək.
Bu məlumatı Rusiyanın İrandakı erməni əsilli səfiri Levan Caqaryan yayıb.
Diplomat bildirib ki, ABŞ-ın sanksiyalarına görə İranın vəsaitləri Yaponiya və Cənubi Koreya banklarında blok edilib. Bu məsələni yoluna qoymaq hələlik mümkün olmayıb.
İran tərəfi bəyan edib ki, AES-in personalı ştat rejimində işinə davam edəcək.
İranda “Buşehr-2” ” Atom Elektrik Stansiyasının tikintisi 1974-cü ildə başladılıb. Rusiyanın köməyi ilə stansiyanı 2010-cu ildə tikib başa çatdırmaq mümkün olub. Rusiya nüvə reaktorunun işləməsi üçün İranı nüvə yanacağı ilə təmin edir. Hazırda Rusiya İranda ikinci və hətta üçüncü atom elektrik stansiyasının tikintisini planlaşdırır.
İranın Atom elektrik stansiyalarının tikilməsi bəhanəsi ilə uranı zənginləşdirməsi, atom silahı əldə etmək istəyi ABŞ tərəfindən sərt sanksiyalarla qarşılanıb.