Qətərin paytaxtı Dohada baş verən partlayışlardan sonra İsrail ordusu HƏMAS-ın yüksək rütbəli şəxslərini hava hücumunda öldürdüyünü bildirib.

Qətərin paytaxtı Dohada partlayış səslərinin eşidildiyi bildirilir.

Amerikanın X şirkətinə aid sosial media platformasındakı görüntülərdə Dohada bir nöqtədən tüstünün qalxdığı görülüb.

İsrail ordusu verdiyi yazılı açıqlamada sui-qəsd cəhdində HƏMAS-ın yüksək rütbəli şəxslərinə hava hücumu təşkil edildiyini bildirib.

Hərbi bəyanatda hücumun harada baş verdiyi ilə bağlı hər hansı təfərrüat verilməyib.

Bu arada İsrailin Kanal 12 televiziyasına danışan adı açıqlanmayan İsrail rəsmisi Dohadakı partlayışların İsrailin hücumu nəticəsində baş verdiyini iddia edib.

Qətər rəsmiləri hələlik hücumla bağlı açıqlama verməyib.

İsrail hökuməti bundan əvvəl də HƏMAS-ın xaricdəki yüksək vəzifəli şəxslərini sui-qəsdlə hədələyib.

Press-fakt