Ötən gecə "Qarabağ" futbol klubu Çempionlar Liqasının qrup mərhələsinin ikinci turunda Danimarka çempionu “Kopenhagen”-i doğma meydanda 2:0 hesabı ilə məğlub edib.

Press-fakt xəbər verir ki, bu qələbə “Qarabağ”a UEFA-dan 2,1 milyon avro qazanc gətirib.

Xatırladaq ki, Azərbaycan çempionu ilk turda Portuqaliyanın nəhəngi “Benfika”sını da məğlub edərək eyni məbləği – 2,1 milyon avro əldə etmişdi.

Beləliklə, iki turdan sonra “Qarabağ”ın ümumi gəliri artıq 4,2 milyon avro (8 milyon 383 min manat) təşkil edir.

Qeyd edək ki, növbəti oyunda  Qurban Qurbanovun komandası səfərdə İspaniyanın güclü təmsilçisi “Atletik Bilbao” ilə qarşılaşacaq.