Yanacaqdoldurma məntəqəsində silahlı insident zamanı iki nəfər ölüb

Ankarada yanacaqdoldurma məntəqəsində mübahisə edən iki şəxs arasında silahlı dava düşüb. Bir-birinə atəş açan hər iki şəxs bədənlərinə dəyən güllələrdən dünyasını dəyişib.

Məlumata görə, aralarında düşmənçilik olduğu iddia edilən Hüseyn Y. ilə Resul K Altındağ rayonunda Şəhid Ömər Halisdemir bulvarında yerləşən yanacaqdoldurma məntəqəsində görüşüb.

Görüş zamanı mübahisə etməyə başlayan Hüseyn Y. ilə Resul K tapança ilə bir-birlərinə atəş açıblar.

Hadisə yerinə gələn təcili tibbi yardım əməkdaşları 2 nəfərin öldüyünü müəyyən ediblər. Polis hadisənin səbəblərini araşdırır.