Bu gün Azərbaycan xalqının böyük oğlu, böyük tarixçi və vətənpərvər mərhum Ziya Bünyadovun anadan olmasının 96-cı ildönümüdür.
Bu önəmli günlə bağlı danışan tarixçi alim Nəsiman Yaqublu, Z.Bünyadovun Azərbaycan tarixinin öyrənilməsində mühüm xidmətlərə malik olduğunu vurğuladı:
“Z.Bünyadov Azərbaycanın görkəmli alimi idi. O, çox zəngin bir irs qoyub gedib. Tariximizin öyrənilməyən səhifələrini Ziya müəlim araşdırıb, ortalığa çıxarıb. Ziya müəllimin qədim tariximizlə bağlı araşdırmaları olduqca aktualdır. Onun son dövrlərlə bağlı  araşdırmaları da olduqca önəmlidir.
Son dövr araşdırmaları içərisində onun “Qırmızı terror” kitabı çox böyük marağa səbəb oldu. Hansı ki, bi kitabda repressiyaya məruz qalan insanlarımızdan bəhs edirdi. Sumqayıt hadisələri ilə bağlı rus dilində yazdığı və o dövrdə geniş yayıan “Niyə Sumqayıt?” məqaləsi də cəmiyyətdə böyük maraqla qarşılandı. Ondan əvvəl isə Ziya müəllim Azərbaycanın tarixi haqqında çox böyük əsərlər yazmışdı.
Ziya müəllimin üstünlüyü ondan ibarət idi ki, o, cəsarətli adam idi. Bu cəsarət onun yazılarında da hiss olunurdu. Tarixçi gərək cəsarətli olsun. Ona görə də onun yazılarında qorxaq elementlərə rast gəlmək mümkün deyil. Ermənilər Ziya müəllimdən həm fiziki cəhətdən qorxurdular, həm də onun yazılarından ehtiyat edirdilər. Bu baxımdan Ziya müəllimin itkisi bizim millətimiz üçün, xalqımız üçün çox böyük itki oldu.
Mən onunla bir neçə dəfə görüşüb söhbət etmişəm. Ziya müəllim mənim “Ağrılı ömürlər” kitabıma yüksək dəyər verirdi. Sonradan isə Xocalı soyqırımı ilə bağlı çıxan kitabım da Ziya müəllim tərəfindən müsbət qarşılandı. Cümhuriyət dövrü ilə bağlı araşdırmalarımı da onunla görüşlərimdə çox yüksək qiymətləndiridyi qeyd edirdi.
Gənc insanların tədqiatalrına, obyektiv araşdırmalarına Ziya müəlim müsbət yanaşırdı. Bu mənada biz onun dünyadan köçməsini Azərbaycan xalqı, tarixi və elmi üçün çox böyük itki hesab edirik. Bugünklü nəsil Ziya müəllimin zəngin irsini öyrənməli və Azərbaycan tarixinə dərindən bələd olmalıdır”.