Gürcüstanın gənclərdən ibarət millisi (U21) Avro-2023-ün pley-off mərhələsinə yüksəlib.

Qonşu ölkənin futbolçuları turnirin qrup mərhələsinin üçüncü turunda Niderland yığması ilə heç-heçə oynayıblar (1:1).

Beləliklə, komanda üç oyunda uduzmayıb və beş xal qazanaraq A qrupunda birinci yeri tutub.

Əvvəlki oyunlarda gürcülər Portuqaliyanı məğlub edib (2:0), Belçika ilə heç-heçə ediblər (2:2).

A qrupunun ikinci pilləsində dörd xal toplayan portuqaliyalılar qərarlaşıb.