ABŞ prezidenti Donald Tramp bildirib ki, İsrail Qəzza zolağından qoşunlarını çıxarmağa razılıq verib.
O bu barədə “Truth Social” hesabında yazıb.
“Danışıqlardan sonra İsrail biz göstərdiyimiz ilkin çıxış xəttinə razılıq verdi və bu barədə məlumatı HƏMAS-a ötürdük։ HAMAS bunu təsdiqləyən kimi, atəşkəs dərhal qüvvəyə minəcək, girovların və əsirlərin mübadiləsi başlayacaq və biz qoşunların çıxarılmasının növbəti mərhələsi üçün şərait yaradacağıq ki, bu da bizi 3000 illik fəlakətin sonuna yaxınlaşdıracaq”, - deyə Tramp bildirib.
Bundan əvvəl İsrailin Baş naziri Benyamin Netanyahu israilli girovların “yaxın zamanda” geri qaytarılacağını bildirmişdi.
Şənbə günü ABŞ prezidenti İsrailə Qəzzanın bombardmanını dərhal dayandırmaq çağırışı etmişdi və bunu HƏMAS-ın sülhə hazır olması ilə izah etmişdi.